Fenikso - Numero 01, Januaro - Februaro (2009)

14a jarkolekto n-ro 1 januaro - februaro 2009

REVUO DE ESPERANTO NEDERLANDO

Forumo de Esperanto Nederland

www.esperanto-nederland.nl

Dumonata membrogazeto de Esperanto Nederland.
ISSN 1384-6515

Membroj de Esperanto Nederland ricevas la gazeton;
ĝi estas aparte abonebla nur por ne-membroj en
eksterlando. Tarifo EUR 15.-

Portiuj, kiuj tion bezonas, son-kasedoj kun la enhavo
estas haveblaj. Informojn donas la sekretario.
Redakcio: <redakcio@esperanto-nederland.nl>

H. Bakker, Kastelenstraat 23111, 1082 EGAmsterdam,
tel./fakso 020-64 21 853 <hansbakker@raketnet.nl>.
J.K. Hammer, Taxusstraat 7, 1505 AAZaandam,
tel. 075-616 69 31, <ko.hammer@planet.nl>.
Esperanto Publike:

Gazetartikoloj ktp estas bonvenaj ĉe redaktoro Hans
Bakker, same kiel informoj pri mencioj de Esperanto en
radio kaj televido. Bonv. indiki detalojn.

Lingva rubriko:

Emiel Van Damme, Albert 1 straat 44,

BE 1703, Schepdaal, Belgio.

Teknika redaktoro:

Julia De Coster, Esperanto-Centro Antverpeno.
Presado: Flandra Esperanto-Ligo, Antverpeno.

ESPERANTO NEDERLAND
Sekretario

Alfonso Pijnacker, Tulpstraat 110, 2841 AE Moordrecht.
Tel. 0182-37 40 58 aŭ 06-513 762 57 //
<sekretario@esperanto-nederland.nl>.
Membro-Administranto:

Remment Balk, Egeischestraat 42,

8303 EN Emmeloord. Tel. 0527-23 93 78 //
<membroj@esperanto-nederland.nl>.

Kasisto: Els ten Hagen-Renses, Middenweg 587,
1704 BH Heerhugowaard. Tel. 072-571 79 18,
<kasisto@esperanto-nederland.nl>.

Poŝtkonto: 37 55 22 nome de ESPERANTO NEDERLAND;
UEA-konto: esne-h

Informado/informmaterialo: Ineke Emmelkamp,
Arubastraat 12, 9715 RW Groningen.

Tel. kaj fakso: 050-57 18 842.

Retadreso: <info@esperanto-info.nl>.

Instrua Servo: Luit Staghouwer, Julianalaan 25, 9781 ED
Bedum. Tel.050-301 40 15, <luitstaghouwer@home.nl>.

Studie-weekeinde:

<studsemajnfino@esperanto-nederland.nl> aŭ Marijke
Lathouwers, Kruiszwin 1205, 1788 LE Den Helder,

Tel: 0223-643781.

DATOLIMO:

Materialo por la venonta numero estas bonvena ĝis la fino
de januaro. Sendu ĝin kiel eble plej frue, tiam vi ege helpas
nin. Simpla teksto, kiel en elektronika letero, plej taŭgas, sed
ankaŭ aldonaĵoj en Word aŭ Wordperfect estas bonaj.
Kompreneble ankaŭ paperaj kontribuoj estas bonvenaj.
Krome tre bonvenaj estas bildoj por la frontpaĝo!

ENHAVO

3 Esperanto Publike /J.U.Hommes,

Centjara esperantisto / Malferma tago UEA

4 Institucio Hodler 40-jara / La Amsterdama katedro.

5 Mesaĝo Joseph B. Apasa / Infanoj malkovras kodon.

6 U.K. Bjalistoko: dudimensia temo / Fame-premio
por IEI / Studo-semajnfino 2008.

X Lingva Rubriko.

7 Studo-semajnfino 2009 / NGGE-jarkunveno.

8 Jilde Stern: Glacio-Edeno / 25-a PSI / Bibliaj Tagoj /
Kelkaj novaj libroj - Recenzoj

9 Recenzoj.

10 Ĉiĉerono en Esperantujo.

PRI PAĜO 1

Dum la malferma tago de UEA (la 29-a de novembro)
interesaj antikvaj esperantaĵoj estis vendataj en bazaro en la
dua etaĝo de la modernigita Centra Oficejo.

DE LA REDAKCIO

Karaj legantoj,

En la lasta paĝo de la laste numero de la 13-a jarkolekto
de Fen-X mi publikigis bildon, kiu malagrabla atentigis pri la
danĝero kiu minacas nian asocion.

Kun iom da timo mi atendis viajn reagojn, ne nur kun timo ke
vi koleriĝos pro la bildo, sed ankaŭ kun la espero ke inter la
legantoj sufiĉe da homoj komprenos la averton, kaj zorgos, ke
la danĝero malaperu...

Kun ĉagreno mi konstatas ke mi eraris... almenaŭ pri la suk-
ceso de mia averto. Vere, inter vi estis kelkaj kiuj bone kom-
prenis la mesaĝon, sed ĝis la nuna momento la respondoj ne
sufiĉis por malaperigi la zorgojn de la estraro...

Ni nun vivas en individueca socio, kaj multaj homoj havas zor-
gojn pri la propra ekzistado, pri sia profesio, pri la daŭra devo
pristudi novajn labormetodojn, lerni pri novaj materialoj. Tial
la minaco kiun mi skizis certe ne trafas nur nian asocion, kaj
similaj problemoj ekzistas ĉe multaj asocioj.

Tamen: mi nepre fidas, ke inter ni, esperantistoj, ekzistas tiom
da idealoj pri pli bona mondo, ke mia averto ne estos vana kaj
ke ni ĉiuj baldaŭ trankvile povos iri antaŭen.

Cetere: se vi pro iu ajn kaŭzo ne povas akcepti plenan estra-
ran taskon, vi eble povus proponi al la estrara vian helpon por
strikte limigita tasko.

Ko Hammer.

LA VENONTA STUDO-SEMAJNFINO,

MARTO 2009

Ni povas anonci ke la venonta studo-semajnfino okazos de
la 6-a ĝis la 8-a de marto 2009. Ni mendis lokon en la grup-
domo “de Strubben”, Hoofdstraat 4 en Schoonloo, provinco
Drenthe.

Legu la informojn en paĝo 7.

2009/1 - 2

FEN-X

,<£g|p*

rJOVa^ŬRO^OTLL

La karton iam eldonis FLE.

ESPERANTO PUBLIKE

Pasisla kongresoj kaj laabundaj raportoj. Neestasstrange
ke Esperanto malofte aperis en la aŭtunaj ĵurnaloj.

Unu membro de ESPERANTO NEDERLAND pro sia
persona jubileo centjara kaŭzis la aperon de artikolo en
De Stentor, regiono Apeldoorn, la 21-an de novembro.
“Honderdjarige Hommes houdt liefde voor Esperanto”
(Centjarulo Hommes restas amanta Esperanton) estas la
titolo de simpatia intervjuo kun nia membro, kiu koncize
klarigas al nunaj nesciantoj kio estas Esperanto. Sendis
la artikolon Anneke Buijs, lia samklubanino.

Ans Heijstra ankaŭ ĉi-foje sukcesis publikigi en Noord-
hollands Dagblad, 4-10-2008, artikolon pri “Taal” (Lingvo).
Ĉi-foje ne necesis reagi al jam aperinta artikolo. Ans ver-
kas glate kaj trafe, sed mi ne sciis ke tion ŝi lernis de do-
cento pri PR (Publikaj Rilatoj) kaj Komunikado. Tiu letere
gratulis ŝin, i.a. per la vortoj :”Je bent en blijft een gewel-
dige ambassadeur voor je club” (Vi plurestas bonega am-
basadoro de via societo). Ni aliĝas al tiuj vortoj. Ŝia edzo
Joop Heijstra sukcese prizorgis la Esperanto-tradukon de
faldfolio je dispono de vizitantoj al la Grackapelo de Nia
Kara Dipatrinoje Mizero, Heiloo.

La monata gazeto “Filatelie” informas siajn legantojn pri la
poŝtmarko kiun UEA eldonis pro sia kongreso en Rotter-
dam. La artikoleto invitas mendi per la retpaĝo de UEA:
<www.uea.org/katalogo/filatelie>. Posta numerode“Filate-
lie” bedaŭras la elĉerpiĝon de la kongresa pm, sed anon-
cas lajubilean UEA-poŝtmarkon, samkondiĉe akirebla.
“Arabesken” nomiĝas la revuo de Louis Couperus Soci-
eto. ĉia novembra numero mencias en ilustrita artikolo la
noveldonon de “Fatalo”, verkaĵo de Couperus tradukita de
Gerrit Berveling. Kaj eĉjam dua eldonaĵo estas mendebla
ĉe la libroservo de UEA: “Pri vagabondoj kaj friponoj, pri
damoj kaj kavaliroj”.

Plej laste: Ans Heijstra sendis “Molenwiekje” ĵus aperinta
en la decembra numero de gazeto De Geestmolen. En ĝi
ankaŭ Sankta Nikolao rekomendas lerni Esperanton.

Hans Bakker

CENTJARA ESPERANTISTO

Niaj koraj gratuloj iras al Johannes Unico Hommes, kiu la
17-an de novembro festis sian 100-jaran naskiĝtagon.

Kaj ankoraŭ nun li amas la lingvon Esperanto, kiu donis
al li multan feliĉon en la vivo, per kontaktoj kun la tuta
mondo.

Li naskiĝis en VVinschoten, kaj en 1940 ekloĝis en Apel-

doorn. Unue li estis instruisto ĉe lernejoj por infanoj kun
problemoj, sed poste li instruis fremdajn lingvojn en mezaj
lernejoj.

Kiel junulo li lernis la lingvon kun sia patro. Dum multaj
jaroj li aktivis en la nederlanda asocio KUNE kaj la inter-
nacia KELI, asocioj por kristanaj esperantistoj.

Por ili li aktivis en “misia
fako”. Tiu eldonis bildkartojn
kaj broŝurojn kun religiaj
temoj, sed per ĝi kristanoj
povis ricevi ekzempleron de
la Biblio, se tiu en la propra
lando ne estis havebla. Oni
kelkfoje helpis ankaŭ per
medikamentoj. Tio tiutempe
certe gravis en la landoj kie
la komunismo regis. Similan fakon prizorgis la familio
Sandgren en Svedio. Antaŭ ĉ. 15 jaroj lia edzino mortis,
kaj nun jam dum ses jaroj Hommes loĝas en la loĝcentro
Sprengenhof en Ugchelen.

> Jn jjtruugl
. ■- Ivo

Duin vojtin!

MALFERMA TAGO ĈE UEA.

La 29-an de novembro
mi vizitis post kelkaj jaroj
denove la malferman ta-
gon de la Centra Oficejo
en Rotterdam. Kiel ĉiam
la akcepto estis agrabla,
kaj la programo interesa.

Alejandro Cossavalla
koncertis kun sia gitaro
kaj prezentis internacian
programon. Gregoire
Maertens rakontis pri la
Instuticio Hodler, kiu jam
dum 40 jaroj subvencias
gravajn aranĝojn favore
al Esperanto, por kiu
la mono mankas. Vidu
la sekvantan artikolon.

Ankaŭ interesa, el his-
toria vidpunkto, estis la
prezentado de Andreas
Kŭnzli pri la tempo en
kiu la centro de nia movado
estis en Bern kaj Ĝenevo,
geedzoj Zamenhof.

Aktivaj junaj homoj prezentis siajn planojn por
elektronikan mondon por Esperanto pere de e@i.

Tamen en mia raporto ne povas manki mia admiro pri la
ŝanĝoj kiujn mi konstatis ĉe la oficejo mem.

Biblioteko Hodler, iam polvoriĉa paperamaso en malluma
salono, nun bonorde troviĝas en bonaj modernaj arkivaj
ŝrankoj.

La enirejo al la libro-vendejo aspektas agrable moderna,
sen superflua demonstracio de nenecesa lukso per kiu
oni kelkfoje klopodas imponi al klientoj, ekzemple ĉe
aŭtovendejoj kaj bankoj.

La ĉambro de la direktoro memorigas pri efika laboro. En
la dua etaĝo mirigis min vasta konferencejo, en kiu oni po-
vas ĉeesti la prezentadojn multe pli agrable ol en la iama
kelosimila “salono Zamenhof, kie nun estas la biblioteko.

Alejandro Cossavalla
kun historiaj bildoj, i.a. de la

krei

FEN-X

2009/1 - 3

Sed ne nur la oficejo
mem estis agrabla sur-
prizo, ankaŭ la kvartalo
kie la Centra Oficejo
troviĝas. Antaŭ kelkaj
jaroj Nieuvve Binnenvveg
prezentis mizeran as-
pekton de vendejoj de
ekzotikaj nutraĵoj, inter-
retaj kafejoj, turkaj fum-
ejoj kaj aliaj komercoj de
duaranga nivelo. Nun
tamen tie troviĝas i.a.
butikoj de luksaj mebloj
kaj vestaĵoj, kaj grandaj
art-galerioj, kaj ĝi neniel
memorigas pri la mizera
aspekto de antaŭ kelkaj jaroj. Direktoro Osmo Bullerdum
interparolo kun mi klare esprimis sian kontentecon pri tio.
Mallonge dirite: la nova aspekto de la oficejo kaj ĝia kvar-
talo nun donas al la publiko bonan impreson pri la valoro
kaj la graveco de niaj lingvo kaj movado. Ni vere rajtas
esti kontentaj.

Ko Hammer.

INSTITUCIO HODLER 40-JARIĜIS

La julia-aŭgusta numero de “Esperanto” en 1968 rapor-
tis pri plano de la Estraro de UEA lanĉi kampanjon por
“fortikigi la financan bazon de la Asocio”. La artikolo
emfazis: “Ne ekzistas en la mondo kulturaj organizaĵoj,
laborantaj sen iu ajn subvencio, kiuj povas funkcii sen
deficitoj nur per siaj membrokotizoj. Iliaj manoj estas ligi-
taj pro konstanta monmanko. Prosperas nur tiuj, kiuj tro-
vis aliajn fontojn de enspezoj.”

La kampanjo celis kolekti kapitalon, kies rento liveru al
UEAekstrajn rimedojn aldone al kotizoj. Rezulte, la 28-an
de oktobro estis starigita fondaĵo, kies oficiala nomo fariĝis
Institucio Hodler ‘68. Ĝi ricevis propran juran personecon
en Nederlando, kun estraro nomumata de la Estraro de
UEA. Ekde la komenco ĝi kolektis donacojn kaj pruntojn
sen rento aŭ kun malalta rento. La unua estraro konsistis el
E.L.M. VVensing (prezidanto), Maurice Jaumotte kaj Evert
J. VVoessink, kiuj membris ankaŭ en la Estraro de UEA.
Marianne Vermaas, kiu samjare rezignis kiel Direktoro de
la Centra Oficejo, fariĝis la unua administranto.

La nuna prezidanto de la Institucio estas Gregoire
Maertens, kiu eniris la estraron unuafoje en 1970 kaj es-
tas prezidanto ekde 1986. En la estraro membras krome
Ans Bakker-ten Hagen, Renato Corsetti, Ivo Durvvael kaj
llja De Coster, kaj la administranto estas Pasquale Zapelli.
La ĉefa havaĵo de Institucio Hodler estas domo en Antver-
peno, kiu estis akirita en 1980 kaj kiun luas Flandra
Esperanto-Ligo

kaj la Antverpena Esperanto-klubo “La Verda Stelo”. Ĉi-jare
la Institucio aljuĝis subvenciojn je la suma valoro de
9200 eŭroj. La plej grandan subtenon, 5000 eŭrojn, rice-
vis Fondaĵo Canuto. Projektoj ekster UEA ricevis 1700
eŭrojn.

Kiu deziras prunti aŭ donaci monon al Institucio Hodler, bon-
volu kontakti la Centran Oficejon por pli detalaj informoj.

- laŭ gazetara komuniko de UEA, 2008-10-29

LA AMSTERDAMA KATEDRO

Informilo pri la katedro pri Interlingvistiko kaj Esperanto ĉe
la Universitato de Amsterdamo.

La 2-an de septembro komenciĝis la katedra kurso pri
interlingvistiko, ĉiumarde de la 10-a ĝis la 13-a horo en
salono de la Hooft-Domo. La definitiva nombro de la
registritaj studentoj estas 14. La intertempaj ekzamenoj
okazis la 23-an de septembro, la 28-an de oktobro kaj la
25-an de novembro. La Cseh-leciono, kutime donata de
Atilio Orellana mezvoje dum la semestro, okazis ĉi-kurse
la 14-an de oktobro.

La 9-an de oktobro, la dekana oficejo informis ke la uni-
versitata estraro aprobis la nomumon de WJ al la speciala
profesoreco pri interlingvistiko kaj Esperanto. La 16-an
de novembro IEI konfirmis la aprobon, kio signifas, ke la
profesoreco ekvalidis la 1-an de novembro por kvinjara
periodo.

La 20-an de oktobro estis kreita, surbaze de libervola aliĝo,
retpoŝta rondo de studintoj kaj studantoj pri interlingvis-
tiko kaj Esperanto. Ĝin mastrumas WJ kaj ĉi-momente
ĝi havas 38 membrojn, kiuj estas retpoŝte provizataj per
novaĵoj pri Esperanto, esperantologio kaj interlingvistiko,
ne laŭ iu fiksa periodeco, sed neregule, laŭokaze kaj
laŭbezone. “Novajoj” ne estas ĝeneralaĵoj el la E-movado,
sed eventoj kun specifa intereso por la studentoj: la aĉeto
fare de la universitata biblioteko de novaj libroj koncerne
la fakon, atentigo pri esplorkampoj por bakalaŭraj aŭ
magistraj diplomverkoj, atentigo pri staĝo-okazoj (dum
UK), atelieroj pri Esperanto, vizitindaj retejoj, k.t.p.

La interdisciplina esplorgrupo “Babela Eŭropo”, en kiu
partoprenas WJ kaj la kuratoro de la katedro, Hans
Erasmus, kunvenis la 28-an de aŭgusto kaj la 31-an de
oktobro. La fonda manifesto de la esplorgrupo kun klariga
noto estas afiŝita en edukado.net. Kune kun partneraj uni-
versitatoj, “Babela Eŭropo”, nome de UvA, respondos al
konkursinvito de Eŭropa Unio por pristudi aspektojn de
la enkonduko de Eŭropunia laborlingvo aŭ lingua franca.
Se la Amsterdama propono venkos en la konkurso, WJ
responsos pri speciala taskaro pri la planlingva solvo, kiu
estas ĉi-momente redaktata.

En aŭgusto bakalaŭrigis Lotte Krijnen, studentino pri
Lingvo kaj Komunikado, per diplomverkaĵo titolita “Par-
donu min”, en kiu ŝi raportas pri la uzeblo kaj uzado de
t.n. ĝentilecostrategioj en Esperanto. Dum la studojaro
2006-2007 Lotte sekvis la katedran kurson de Esperanto
kaj sukcese ekzameniĝis pri ĝi. En siaj esploroj ŝi prepar-
is enketon, kiu estis dissendita al pli ol cent esperantistoj
en Nederlando. La relative alta nombro da respondoj
ebligis al ŝi detalan ellaboron de la temo, kiu demonstris
la ekziston de bunta gamo de strategioj kaj trukoj. La
verkaĵo estas afiŝita en edukado.net, kune kun mallonga
esperantlingva resumo. WJ kunlaboris en la pretigo de
ĉiuj tradukoj al kaj el Esperanto kaj en la konatigo de la
studentino kun la koncerna Esperanto-literaturo.

Tiujn ĉi informojn la redakcio de Fen-X ĉerpis el pli kom-
pleta informbulteno, prizorgata de Wim Jansen. Reagoj
eblas ĉe

<wimjansen@casema.nl>,
aŭ telefonnumero 071-3617349.

2009/1 - 4

FEN-X

MESAĜO DE JOSEPH BICINGINIAPASA

Merkrede (la 26-an de novembro) mi ricevis novan
restadpermeson, sed same kiel la antaŭa ĝi estas
6-monata provizora karto (validas ĝis la 3-a de majo
2009).

Do ankoraŭ necesas atendadi decidon pri mia peto de
statuso de rifuĝinto en Pollando. Nenio traktiĝas rapide
en Pollando, do necesas prepariĝi al longa atendado.
Dum la someraj lernejaj ferioj mi skribis leterojn al di-
versaj oficejoj -inkluzive de universitatoj- cele peti sti-
pendion.

Ĉe universitatoj eblas almenaŭ akiri eblon studadi sen-
page. Fakte en ĉiuj publikaj universitatoj en Pollando
polaj civitanoj studas senpage, sed por eksterlandanoj
la studado estas multekosta. Tri universitatoj respondis
al mi pozitive. Du el ili havas inĝenierigajn programojn
laŭ mia ŝato.

La Universitato Politeknika de °odi montriĝis pli taŭga
por mi ĉar ĝi havas programon franclingvan kaj krom tio
ĝia reago venis ege frue. Por ke mi estu akceptita en la
universitaton mi devis/as kunigi la postulitajn dokumen-
tojn, vojaĝo kiu ĝis nun ne jam atingis finon. Mi sukce-
sis prezenti preskaŭ ĉiujn postulitajn dokumentojn, pro
kio mi akiris provizoran akceptiĝon. Mi tiel rajtis ekstudi
kaj loĝi en la internulejo de la universitato. Sed ankoraŭ
mankas dokumento por kompletigi mian dosieron kaj
mi akiros formalan akceptiĝon nur kiam mi prezentos
ĝin. Temas pri dokumento por rekoni en Pollando mian
diplomon de duagrada studado akirita en mia lando.

Pri mia studad-programo. Franclingve ĝi nomiĝas
Gestion et Technologie (administrado kaj teknologio).
Kiel montras la nomo, tiu programo entenas pli ol unu
stud-kampon. La tuto preparas studentojn al diversaj
industriaj profesioj. Ĝi do entenas la ĉefajn fakojn de la
industria vivo: teknika (fabrikado, mekaniko, aŭtomatiko),
informadika kaj administrada. Fakte en industria kom-
panio inĝeniero (teknika fako) kapablu plenumi ankaŭ
aliajn taskojn (informadikaj sistemoj kaj administrado).
Kompreneble tia “dika” programo donas multajn la-
bor-eblojn al diplomitoj kaj tial ĝi estas longa: Necesas
studadi 4 jarojn por fariĝi inĝeniero kun diplomo de
bakalaŭro. Ni studas franclingve, sufiĉe rara ajo en
Pollando.

Ekde fine de septembro mi loĝas en la internulejo
de la universitato. Nuntempe mi loĝas kun 2 aliaj
studentoj: unu el Senegalio kaj alia el mia lando Kon-
go. Ni ĉiuj interparolas france. La kongolandano estas
de okcidenta parto de nia lando kie oni ne parolas la
svahilan. Malsame de Bydgoszcz, ĉi tie mi devas mem
aĉeti kaj kuiri miajn manĝojn. Ĉiumonate necesas pagi
por la ĉambro ĉ. 80 eŭrojn.

Mia financa situacio nuntempe ĝuas iun ekvilibron,
ĉar mi nun akiras komence de ĉiu monato socian hel-
pon de ĉ. 200 eŭroj. Mi jam spertis ke tiu sumo kapab-
las kovri la bazajn elspezojn, t.e. loĝadon, manĝadon
kaj elspezojn rilatajn al studado (elspezetoj kiel regulaj
fotokopiado de libroj, aĉetoj de bezonataj materialo,
ktp), transporton en °odT, komunikadon (telefon-kar-
toj) kaj ĝenerale malmultekostajn aĉetendajn aferojn.
Sed se necesos aĉeti ion multekostan kiun oni bezo-

nas (ekz. fridujo, presilo, vintroŝuoj aŭ -jakoj), mia mon-
fonto malfacile kapablos havigi tion al mi. Krom tio
ankaŭ vojaĝi aŭ partopreni eventojn estas malfacile,
aŭ eĉ ne eblas. Kio multe malplaĉas al mi estas tio
fakto ke mi ne scias precize kiam mi estos liberigita de
tiu “malferm-ĉiela malliberejo” Pollando. Fakte mi ne ra-
jtas vojaĝi eksterlanden nek labori ĉi tie; kaj eĉ se mi
rajtus labori, laboroj ne haveblas, kaj mi ne taŭgos por
multaj laboroj. Akiri statuson de rifuĝinto vere estus la
plej bona solvo al miaj problemoj. Bedaŭrinde mi ne
jam scias kiam mi akiros ĝin, aŭ ĉu mi finfine akiros
ĝin. En nia ĉambro estas interreto, kio vere helpas kaj
ŝparigas.

Mi ne jam renkontis esperantistojn en °6di. Mi
telefonis al iu esperantisto kiam mi ĵus alvenis ĉi tien. Li
klarigis ke okazas esperantistaj renkontiĝoj ie en °6dTje
kelkaj vendredoj. Sed vendrede mi ĉiam estas okupita en
kursoj la tutan posttagmezon ĝis vespero. lun tagon
mi surhavis mian blankan T-ĉemizon kun la teksto
“Esperanto Internacia Lingvo”. lu studento kiu
rekonis kio estas Esperanto, sciigis al mi ke iu
profesoro/instruisto en nia universitato estas esperan-
tisto kaj kelkfoje faris kursojn de Esperanto. Bedaŭrinde
lin mi ne jam renkontis.

Sane mi fartas bone. Mi esperas same por vi.

Joseph Bicingini Apasa (al. Politechniki 11/308,
PL-90-924 °6d'T, Pollando).

Mi ĝojas ke Joseph fartas bone. Sed estas klare ke “provi-
zore” iom da helpo restos bonvena. Mi scias ke kelkaj
subtenantoj pretas daŭrigi (modestan) subtenon. Se
ankaŭ vi pretas subteni Joseph-on bonvolu sciigi tion al
mi. Mi anticipe dankas vin.

Luit Staghouvver
(<luitstaghouwer@home.nl>
tel. 050-3014015)

INFANOJ MALKOVRAS KODON

En la semajnfinaj 4-a kaj 5-a de oktobro okazis granda
evento por infanoj 7- ĝis 12-jaraj en la instituto por natur-
sciencoj “Nemo” en Amsterdam. Infanoj devis malkovri la
“kodon” de brajlo, hieroglifoj, maristaj flagoj, piktogramoj,
ktp. La organizantoj invitis ankaŭ Esperanto Nederland
kaj multaj infanoj lernis surloke la ciferojn en Esperanto.
Per tiu “kodo” ili povis esprimi sian naskiĝojaron - kaj
tiuj kiuj interesiĝis ekkonis ankaŭ aliajn elementojn de
la lingvo.

FEN-X

2009/1 - 5

Joke Hoobroeckx, Marianne van Gemert, Johan van
der Hoek, Richard van Schaik kaj Hans Bakker instalis
la tablojn kaj dum du tagoj deĵoris kun granda plezuro.
Peter Ebenau kaj Benata Hengstmengel helpis dum
kelkaj horoj. La helpvoko de Joke Hoobroeckx inter
membroj de Esperanto Nederland efike varbis kunlabo-
rantojn. Ankaŭ ĉi tie ŝi invitas vin anonci vian kunlabore-
mon. Ŝi volonte notos vian nomon en sia listo de agantoj
okaze alvokeblaj.

Hans Bakker

KONGRESATEMO KUN DU DIMENSIOJ

En 2009 oni festos la
150-an datrevenon de
la naskiĝo de d-ro L.L.
Zamenhof. Tre konvene
UN proklamis la saman
jaron Internacia Jaro
de Interpaciĝo. Estis do
nature, ke la Estraro de
UEA inspiriĝis de tiu koin-
cido, kiam ĝi elektis “Krei
pacan ponton inter la po-
poloj: Zamenhof hodiaŭ”
kiel la temon de la 94-a
Universala Kongreso de
Esperanto, okazonta de
la 25-a de julio ĝis la 1-a de aŭgusto en Bjalistoko. La
citaĵo en la vortumo de la temo devenas de la parolado de
Zamenhof en la Kembriĝa UK en 1907.

La kongresa temo estos vaste traktata en la oficiala pro-
gramo de la UK, sed la Estraro esperas, ke ankaŭ fakaj
asocioj konsideros ĝin en siaj propraj dumkongresaj kun-
sidoj. Krome, por la Internacia Kongresa Universitato oni
bonvenigas prelegproponojn pri la kongresa temo. Ankaŭ
la Belartaj Konkursoj aparte alvokas por siaj esea kaj
filma branĉoj konkursaĵojn pri la temo. Fine, la temo evi-
dente ne estas io specife rezervita por la UK. La Estraro
instigas trakti ĝin en konvenaj manieroj kaj formoj en ĉiaj
Esperanto-aranĝoj kaj en la Esperanto-gazetaro ankaŭ
dum la cetero de la jaro.

FAME-PREMIO AL INTERNACIA
ESPERANTO-INSTITUO EN HAGO

Fame-fondaĵo por stimuli la disvastigon de la Esperanto-
kulturo, kun kiu la urbo Aalen en Germanio kunlaboras,
transdonis la 19-an de oktobro 2008 sian 11-an Espe-

ranto-premion al Internacia Esperanto-lnstituto. Antaŭaj
laŭreatoj estis ekzemple Claude Gacond, Marjorie Boul-
ton, la kantgrupo Kajto. La siatempa iniciato portia distin-
go, aljuĝita ĉiun duan jaron, devenas de la mecenato, la
esperantisto FranzAlois Meiners, kiu disponigis kapitalon.
La komunumo Aalen ĉiam ebligas la festan ceremonion.
La kunveno nun okazis en la urba biblioteko de Aalen, ko-
nata pro la gastigo de la germana Esperanto-librokolekto.
La urbestro bonvenigis ĉirkaŭ 80 gastojn, inter ili kelkajn
lokajn politikistojn. Li emfazis la malfermecon de Aalen al
la mondo kaj la gravecon de la Internacia Lingvo.

Herbert Mayer, la prezidanto de Fame-fondaĵo, skizis la
historion de la Haga institucio kaj la prezidanto de IEI, Ed
Borsboom, germanlingve prezentis la estraranojn, tri el ili
ĉeestis, kaj informis pri la profesoreco de VVim Jansen por
la Esperanto-katedro en la universitato de Amsterdam.
Post tio Atilio Orellana Rojas, direktoro de la lEI-oficejo,
sprite kaj konvinke demonstris en provleciono la efikecon
de la Ĉe-metodo.

La lastaj eroj de la solenaĵo konsistis el la enmanigo de
la diplomo kaj ĉeko kun sekvaj dankvortoj de Borsboom.
Tion li substrekis per konvena donaco: la libro “Vivo de
Andreo Cseh”, kiun li donis al la urbestro kaj al Karl Heinz
Schaeffer, la organizanto el la Esperanto-rondo de Aalen.
Muzikprezentado ornamis la omaĝon, en kies daŭro du
junulinoj ludis pianon kaj violonon, pertio agrable alterni-
gante vortojn kaj muzikon. Dum la sekva bankedo ĉiu
havis ŝancon pli persone interkonatiĝi. Tiel finiĝis bone
aranĝitaĵmpona kultura matineo.

Els van Dijk.

LA STUDSEMAJNFINO EN NOVEMBRO 2008.

Vendrededon la 14-an de novembro jam alvenis multaj
studemuloj en De Banjaert, la Nivon-domon kie ni mendis
lokon por 30 personoj. La supo estis preta, kaj oni povis
interkonatiĝi kun la aliaj partoprenantoj. Kaj posttre agrab-
la kunestado ĉiuj trovis siajn litojn en la ankoraŭ tre nova
domo. La lecionoj komenciĝis sabate je la 9.30-a horo. VVil
van Gansvvijk instruis tre lerte la 6 komencantojn.

Ili povis uzi la tielnomatan domĉambron en la unua etaĝo.
Rudi Koot povis akiri iom da sperto kiel staĝanto. La duan
nivelon de komencantoj instruis Arjen-Sjoerd de Vries kaj
Roel Haveman. Ili dividis la grandan salonon kun la grupo
de komencintoj, al kiu instruis Bert de VVit. En tiu grupo
oni povis ekzerci la paroladon, kaj Bert korektis kaj traktis
la erarojn, se necese. Kaj Rob Moerbeek trovis lokon kun
sia grupo de progresantoj en la halo, kie ili povis cerbumi
pri diversaj temoj kiujn Rob kiel spertulo lanĉis.

Dum la paŭzoj la kafo kaj teo kun kuketoj gustis bone.

2009/1 - 6

FEN-X

Unu el la partoprenantinoj, Kitty Balk, kunprenis ĵigo-puzlojn el la jaro 1935, kiuj rilatas al Esperanto.

Prizorgis ilin la geedzoparo Vinus kaj Marijke Lathouvvers.
Ili ankaŭ faris aĉetojn kaj kuiris la manĝojn. La purigadon
prizorgis la partoprenantoj mem, laŭvice, sed la laboro
estis faciligata de granda pormanĝilara lavmaŝino, kiu
fulmrapide purigis la manĝilaron. Ĉiu havis sian vicon
kun tiu miraklo de elpensemo. Tiumaniere neniu havis
la ŝancon retiriĝi de la lecionoj kun la preteksto de mul-
tege da laboro. Sur la menuo estis sabate : terpomoj kun
karotoj kaj burĝonbrasikoj, kaj salato el laktuko, tomatoj
kaj kukumo. Vinus preparis por la omnivoroj lardajojn, kaj
Marijke por la vegetaranoj vegetaĵojn. Laŭdire ili gustis
bone! Por plenigi la lastajn kavetojn en la stomakoj servis
vanila- aŭ ĉokolado-kaĉo. En la dimanĉo la du “kuirejaj
geprincoj” preparis “nasi goreng” (frititan rizon kun certaj
legomoj kaj viandpecetoj aŭ ne, kaj frititaj ovoj) kun kru-
puko kaj arakida saŭco kaj legom-acidaĵo. Bananoj kom-
pletigis la menuon de ĉi tiu bongusta varma lunĉo.
Sabatvespere post la lasta studohoro alvenis la Espe-
ranto-ĥoro Malvo. Tio estas: la resto de tiu Alkmara kant-
grupo, ĉar inter la partoprenantoj jam troviĝis 6 el la mem-
broj. Ili kantis diversajn kantojn el sia repertuaro, kaj estis
amuze rimarki la surprizon de multaj homoj ke Esperanto
ankaŭ estas kantebla! En alia salono alia grupo festis iun
familian feston, kaj ni devis disdoni al diversaj scivolemu-
loj faldfoliojn pri Esperanto.

Unu el la partoprenantinoj, Kitty Balk, kunprenis du ĵigo-
puzlojn el la jaro 1935, kiuj rilatas al Esperanto. Ni dum
nia ‘trinkhoro’ post iom da peno povis kompletigi ilin, sed
neniu el la ĉeestantoj povis doni respondon al la deman-
do: kie kaj kial estiĝis la du puzloj? Kitty povis rakonti ke
la puzloj rilatas al iu konkurso, per kiu oni povis tiutempe
gajni monon. Ĉu eble unu el la legantoj povas diri ion pri
la puzloj? La fotoj de ili troviĝas en la retloko de EN.

Ni povas konkludi ke la studsemajnfino denove estis tre
sukcesplena. Aliĝis 21 personoj, inter kiuj unu eksterlan-
dano, el Bulgario. Estas tre amuze ke fakte la “najbarino”
de la domo “Banjaert” ankaŭ trovigis inter la partoprenan-
toj/komencontoj! Ĉar ŝi loĝas en la sama strato en VVijk
aan Zee, ŝi dormis hejme, sed ĉiutage estis ĝustatempe
por partopreni la matenmanĝon! Ŝi estis nia ĉiĉerono dum

la tradicia promenado dimanĉposttagmeze, kompreneble
laŭlonge de la strando !

LA VENONTA STUDSEMAJNFINO,

MARTO 2009.

Ni povas anonci ke la venonta studsemajnfino okazos
de la 6-a ĝis la 8-a de marto 2009. Ni mendis lokon en
la grupdomo “de Strubben”, Hoofdstraat 4 en Schoonloo,
provinco Drenthe. Trovigas 36 litoj en tiu tre intima domo,
en unu- du- kaj kvarpersonaj ĉambroj kun varma kaj mal-
varma akvo. La domo ne estas Nivon-domo, kaj ĝi situas en
belega arbaro. Jam rezervu la datojn, kaj mendu aliĝilon ĉe:
Joeri Smolders, VVarmoesstraat 7, 1521 CH VVormerveer,
retadreso: <studsemajnfino@esperanto-nederland.nl>

Por pliaj informoj vi kontaktu lin, aŭ: Marijke Lathouvvers,
Kruiszvvin 1205, 1788 LE Den Helder, tel. 0223-643781.
<lj.lathouwers@quicknet.nl>.

NGGE EN 2009

En la nova jaro 2009 NGGE okazigos sian Jarkunvenon
la 4-an de aprilo. Ni invitas ĉiujn aktivulojn kaj interesitojn
pri instruado aliĝi al nia fakgrupo. La jara kotizo fariĝis
25 eŭroj, sed se vi kontentiĝas per la interreta versio de
“NGGE SCIIGAS” kaj “Internacia Pedagogia Revuo”, la
organo de la internacia ILEI, sufiĉas 10 eŭroj, pagotaj
al la konto 2315416 nome de “Esperanto Nederland -
vakgroep NGGE” en Hillegom. Informojn vi ricevas de la
sekretario Atilio Orellana Rojas, Riouwstraat 172, 2585
HW Den Haag; tel: 070-3556677,
retpoŝte per <iesperanto@versatel.nl>.

Pasintjare eblis kompili “Ekzamenan ekzercaron”, kiun
lejdena esperantisto Jan Beentjes el la testa originalo
transformis en lernilon. ĉi nun estas konsultebla per
“edukado.net”, dank’ al la laboro de Katalin Kovats.

Se vi deziras la paperan version (korektitan), ĝia origina
formo (por testi viajn sciojn: 34-paĝa) estas kostpreze
(3 eŭroj) akirebla ĉe la prezidanto; la lernila versio ample-
ksas ĉ. 85 paĝojn kaj kostas (kostpreze) 6,40 eŭrojn ĉe
R. Moerbeek, Zwaansmeerstraat 48, 1946 AE Beverwijk.
<r.moerbeek@orange.nl>.

(Prezoj en Eŭropo: 4 eŭroj kaj 8 eŭroj)

FEN-X

2009/1 - 7

EIS-EDEN

Es ist ein Land verloren,
da wdchst ein Mond im Ried,
und das mit uns erfroren,
es gliilit umher und sieht.

Es sieht, denn es hat Augen,
die helle Erden sind.
die Nacht, die Nacht, die Laugen,
es sieht das Augenkind.

Es sieht, es sieht, wir sehen,
ich sehe dich, du siehst.

Das Eis wird auferstehen,
eh sich die Stunde schliesst.

Paul Celan 1920-1970

GLACIO, EDENO.

Estas perdita lando,
kie luno kreskas en la falaro,
kaj ĝi estas frostigita kun ni,
ĝi ardas ĉirkaŭe kaj vidas.

Gi vidas, ĉar ĝi havas okulojn,
kiuj estas helaj teroj.

La nokton, la nokton, la lesivojn,
tion vidas la okul-infano.

Gi vidas, ĝi vidas, ni vidas,
mi vidas vin, vi vidas.

La glacio leviĝos

antaŭ ol la horo bat-fermiĝos.

Paul Celan 1920-1970
Interpreto: Antaŭdiro

Centra en ĉi tiu poemo estas la per-
do de la paradizo.

Sperti aŭ koni “la bonon sed ankaŭ
multan malbonon” kaŭzas nedaŭran
froston de la sento: “senkondiĉa
amo”.

Sed antaŭ ol la horo bat-fermiĝos,
la interna sentovivo degelos kaj
pleniĝos de la sento de “senkondiĉa
fido” laŭ la poeto.

lic. Jilde Stern-Agema

PRINTEMPA SEMAJNO INTERNACIA

La 25-a PSI okazos de la 10-a ĝis la 17-a de aprilo 2009
en St. Andreasberg, Germanio, en la Domo Sonnenberg.
Ĝi atendas 150 partoprenantojn el 15 landoj, el kiuj mini-
mume 30% estas infanoj.

La aliĝkotizo varias inter 115 eŭroj por infano en simpla
ĉambro, ĝis 345 eŭroj por unulita luksa ĉambro, kaj estas
pagenda antaŭ la 2-a de aprilo 2009.

La programo enhavas i.a. ekskursojn, diskutgrupojn, kur-
sojn, artajn manlaborojn, filmprezentadojn kaj kulturajn
versperojn. Estos ankaŭ diservo dum la paska nokto.

Informoj estas haveblaj ĉe Jorg Gersonde,
Hermann-VVaschkestrasse 31, DE-06366 Kothen,
aŭ ĉe <www.esperanto.de/psi>.

BIBLIAJ TAGOJ EN MONAĤEJO NUTSCHAU

(20 - 24 oktobro 2008, Travenbrŭck
(Schleswig- Holstein, Germanio).

Ni estis sepope el tri landoj, Germanio, Nederlando kaj
Svedio. Ĉeestis i.a. Pastroj B.Eichkorn kaj A. Kronen-
berger. Patro VVillibald Kuhnigk OSB tie loĝanta estas es-
perantisto. Li prezentis Biblian Kurson pri la Psalmoj. Ni
kantis el la ekumena preĝ- kaj kantlibro ADORU kaj parto-
prenis ankaŭ kelkfoje en la Diservoj de la benediktana
komunumo. Ni legis multajn tekstojn el la Biblio.

La restado en la Monaĥejo plaĉis al ni, kaj ni multe kantis
kaj preĝis. Ekstere brilis la suno kaj ni vidis la aŭtunajn
kolorojn de la folioj de la arboj.

Kelkfoje tage Patro VVillibald devis celebri en la benedik-
tana preĝejo kune kun la aliaj monaĥoj. Tiam Pastro
Albrecht Kronenberger kantigis nin per la libro ADORU
kaj Psalmokantoj postADORU.

Ni nun prezentas al vi mallongan resumon pri la

enhavo de la psalmoj. La enirpordego de la psalmoj estas
psalmoj 1 kaj 2. Vidu la tutan psalmaron kiel ĝardenon
de Diaj laŭdoj. Ili temas pri la rilatoj inter Dio kaj homo.
En psalmo 22 estas la Pasiono. La pasiono finiĝas en
psalmo 23. Nun regas nova paco kun Dio. Kulmino estas
tuta psalmaro. Psalmo 90: Dio la Eternulo estas reĝo,
granda espero. Dio mem kaj la Mesio. La interligo: la
Eternulo regas. De la Dia Regno la centro estas Jerusa-
lemo/templo. Ĝi estas tera kaj ĉiela urbo. En psalmo 147
estas la gloro de ĉiela Jerusalemo. La elirpordego estas
en la psalmoj 149 kaj 150.

Estas diversaj specoj de psalmoj ekzemple laŭdpsalmoj
33, 135,136. Estas invito, danko, kaŭzo de laŭdoj, kreitaĵo
kaj savo el Egiptio. Eblas ne nur kanti, sed ankaŭ preĝi la
psalmojn, En nia kantlibro ADORU vi povas trovi multajn
ekzemplojn, Estas ankaŭ plendo-psalmoj. Kompreneble
ne eblas priskribi ĉion. Tamen ni esperas, ke ĉi tiu artikolo
estas valora por vi tralegi kaj agi.

J"aŭde la 23-an de oktobro posttagmeze ni iris kun Pa-
tro VVillibald al la malnova monaĥejo. Li montris al ni la
manĝejon kaj ĉambrojn de la monaĥoj, muzikĉambron,
televidan ĉambron kaj la grandan bibliotekon.

Pastro Bernard Eichkorn,
Pastro Albrecht Kronenberger kaj
S- ino Gerda Dercks.

KELKAJ NOVAJ LIBROJ

KIAM Ml ESTIS LAPLEJ FELIĈA EN LAVIVO?

Kelkajn semajnojn antaŭ la UK en Rotterdam aperis ĉe
Editura Triade en Cluj Napoca, Rumanio, Kiam mi estis
la plej feliĉa en la vivo? (ISBN 978-973-8313-71-2), kom-
pilita de Jŭlia Sigmond kaj kun desegnoj de 14 personoj.
Temas pri pli ol cent diverslongaj artikoloj kiuj en la lastaj
jaroj aperis en la revuo BAZARO. Jŭlia Sigmond diligente

2009/1 - 8

FEN-X

petis ke oni sendu sian artikolon pri tiu temo; bedaŭrinde
ne ĉiu havis tempon aŭ emon sendi ion, tamen la rikolto
valoras legadon kaj pripensadon.

Konataj kaj malpli konataj esperantistoj el multaj landoj
rakontas pri sia plej feliĉa travivajo; ofte ligitaj kun spertoj
en la mondo de Esperanto. La simpla nigra kovrilo kun
ruĝa koro bone simbolas la enhavon!

En posta eldono estus rekomendinde almeti laŭalfabetan
liston de kontribuintoj.

BLANKO SUR NIGRO DE RUBEN GALLEGO

Trista sorto por infanoj.

En 2007 eldonejo Mondial eldonis Blanko sur nigro de
Ruben Gallego en la traduko de Kalle Kniivila (ISBN
978-1-59569-072-2). La aŭtoro, nepo de iama estro de
la komunista partio en Hispanio, naskiĝis en 1968 en
Moskvo. Pro grava handikapo lia, oni sciigis la patrinon
ke li baldaŭ mortos. Li vivis en diversaj infanejoj, pri kiuj
li verkis ĉi tiun libron. Post la “falo de la muro’’ aperis sci-
igoj pri la tristiga vivo de mense handikapitaj infanoj en la
iamaj socialistaj landoj kaj leginte Blanko sur nigro mi sciis
ke bedaŭrinde oni ne troigis. La aŭtoro ne volas priskribi
la aĉecon de la homa falo: “Mi ne volas. Mi verkas pri
bono, venko, ĝojo kaj amo”. Li rakontas pri vartistinoj
zorgemaj, instruistoj helpemaj - sed ankaŭ pri la regulo
ke handikapuloj kiuj ne povas marŝi eniros maljunulejon
kie ili baldaŭ mortos, kvankam ili estas mense sanaj, eĉ
tre inteligentaj. Li nun loĝas en Usono, post kunigo kun
sia familio. La titolon klarigas la enkondukaj vortoj: “Sim-
ple literoj, literoj sur la plafono, blankaj literoj malrapide
rampantaj sur nigra fono. Ili komencis aperadi nokte, post
ankoraŭ unu koratako. Mi povis movi la literojn sur la pla-
fono, kunmeti el ili vortojn kaj frazojn. Matene restis nur
noti ilin en la memoro de komputilo.” La antaŭparolo estis
speciale verkita por la Esperanta eldono.

ZAM-ZAM-ZAMENHOF,

TEATRAĴO DE PAUL GUBBINS

En 2006 Eldonejo Bero eldonis Zam-Zam-Zamenhof ,
teatraĵon de Paul Gubbins (ISBN 1-882251-41-5), kun
antaŭparolo de la aŭtoro.

Mi legis la komedion kun ĝuo. Ĉu eblos iam vidi ĝin, estas
alia afero; ĝi bezonas aron da roluloj, kvankam multajn
partojn povos ludi la sama grupo (EU-civitanoj, gastoj,
lernejanoj ktp.) Eble en klubkunveno la partoprenantoj po-
vus ĉiuj laŭtlegante prezenti unu el la personoj; se ili bone
antaŭpreparas sin la rezulto devus esti vigla kaj amuza.

UTILA ESTAS ALIĜO DE ULRICH LINS

UEA eldonis en 2008 Utila Estas Aliĝo de Ulrich Lins,
(ISBN 978 92 9017 105 8), abunde ilustritan libron pri
cent jaroj de UEA.

La pli ol 120 paĝoj enhavas tri eseojn: la ĉefaj trajtoj de la
UEA-agado dum tiuj cent jaroj; pri la vivo, agado, idearo
de Hector Hodler; pri Ivo Lapenna kaj ties jaroj antaŭ,
dum kaj post la UEA agado. Kvankam la unua eseo jam
grandparte aperis en “Esperanto”, mi denove tre ĝuis legi

ĝin kaj vidi la multajn fotojn. Ankaŭ la aliaj eseoj meritas
relegadon, ne nur por pli bone koni “nian” historion sed
por pli profunde koni la homojn kiuj tiel grave rolis en ĝi.

THELIFEOF
LIDIAZAMENHOF.

DAUGHTER OF
ESPERANTO.

Finfine haveblas Esperanta
traduko de libro kiu en 1985
aperis kun la titolo Lidia.

The life of Lidia Zamenhof.

Daughter of Esperanto, ver-
kita de Wendy Heller. (ISBN
978 90 77066 36 2) La
tradukon prizorgis Bernhard
Westerhoff, FEL eldonis ĝin
malgrandkvante en 2008,
ĝustatempe por la UK.

En antaŭparolo al la es-
peranta eldono la aŭtorino skribas i.a ke kelkaj modifoj
estas faritaj kaj kelkaj malgravaj eraroj korektitaj; krome ŝi
inkludis novajn informojn pri la lastaj tagoj de Lidia
Zamenhof en 1942.

La originalon mi legis jaron antaŭ ol mi eklernis Esperan-
ton (kion mi jam intencis sed devis prokrasti) kaj tiel mi
iomete konis “nian” historian antaŭ ol fariĝi “lingvohava”
esperantisto. Kun ĝuo kaj intereso mi nun relegas ĝin:
ĝuo pro la bona, flua traduko, intereso, ĉar tra la jaroj mi
forgesis multon el ĝi.

La libro komenciĝas per mallonga historio de D-ro Zamen-
hof kaj de Esperanto, kiu al la anglalingvaj legantoj
verŝajne estis nekonata. Lidia Zamenhof vivis por du
interplektitaj idealoj: disvastigi Esperanton kaj la bahaan
kredon, kiun ŝi ekkonis pere de Martha Root, la usona
bahaanino kaj ĵurnalistino kiu alportis la ideon de Espe-
ranto kiel “unu lingvo” por la mondo al Oomoto.

Leginda libro en flua Esperanto kun multaj fotoj.

Kolekto plejeble kompleta de la verkaro de Lidia Zamen-
hof estas pli-malpli presopreta kaj aperos sufiĉe baldaŭ.

FATALO DE LOUIS COUPERUS.

Gerrit Berveling en 2008 tradukis kaj eldonis Fatalo de
Louis Couperus. (VOKO, ne estas ISBN- numero). Jaron
post vojaĝo al Skandinavio ĉi tiu romano aperis, en kiu la
skandinavaj impresoj servis kiel fono.

Frank, riĉa juna viro vojaĝas tien kun sia amiko Berĉo, kiu
finance tute dependas de li. Enamiĝo dumvojaĝa de Frank
minacas la komfortan, luksan vivon de Berĉo, kiu per
sukcesa intrigo disigas la junan paron. Nova renkontiĝo
de Frank kun la juna virino klarigas ĉion tamen la rezulto
montriĝas fatala al ĉiuj.

Jen ege mallonga priskribo de tre leginda, “nur” 130-paĝa
romano (Couperus verkis multajn tre longe elŝpinitajn
romanojn) en bonega traduko kiu bone redonas la stilon
de la verkinto.

Anneke Schouten-Buys.

Por ke la tagoj
de la homaro
estu pli lumaj

La originala verkaro
de Lidia Zamenhof

FEN-X

2009/1 - 9

CICERONO EN ESPERANTUJO

Informoj laŭ la decidoj de la lasta ĝenerala kunveno - 2008-05-24

LA REVUO “FEN-X”

• Aperas je la komenco de ĉiu nepara monato.

• Kontribuoj estas bonvenaj ĝis la fino de tiu monato.
Urĝaj komunikoj kelkfoje ankaŭ poste povas esti akcep-
tataj.

• Tekstoj estas bonvenaj per e-poŝto, aŭ kiel aldono en
WORD, aŭ WORDPERFECT. Prefere uzu la “x-kodon”
por literoj kun ĉapeleto, aliaj sistemoj donas multan
nenecesan laboron! Ankaŭ paperaj kontribuoj estas
bonvenaj, prefere NE manskribitaj.

• BILDOJ: laŭ sistemo JPG, prefere ne malpli ol 200 DPI.
•Abonoj nureblas por eksterlandanoj. (EUR 15.- jare).

• Redaktoroj estas Hans Bakker kaj Ko Hammer.
<redakcio@esperanto-nederland.nl>

Por ĉio kio rilatas al la ENHAVO de Fen-X, do NE por
administraj aferoj.

• <membroj@esperanto-nederland.nl>

Por transdoni ŝanĝojn en adresoj, telefon-numeroj ktp,
aŭ pri mankantaj numeroj de Fen-X.

KOTIZO

• EUR 27,50 inkl Fen-X, por samhejmano EUR 8,-.

• Por NEJ-membro inkl. Fen-X EUR 13,75;
por samhejmano EUR 4,-.

• Subtenantoj: EUR 10,-.

• Fen-X estas aparte abonebla nur por ne-membroj en
eksterlando. Tarifo EUR 15,-.

ANBI = ALGEMEEN NUT BEOGENDE
INSTELLING.

ESPERANTO NEDERLAND estas agnoskita de la impos-
ta servo kiel “Institucio Celanta Publikan Utilon” (ANBl).
Tio donas specialajn avantaĝojn por tiuj kiuj donacas al
ĝi kaj ĉe legacoj. Simpla kotizo ne estas imposte subtra-
hebla.

MEMBROLISTO:

Membro povas peti membroliston de la membro-admin-
istranto. La listo ne estas kompleta ĉar ne ĉiu deziras ke
lia/ŝia nomo estu en ĝi.

STATUTO, REGULARO:

Membro sen interreto povas peti la statuton kaj la regu-
laron de la sekretario.

KOMISIONOJ ktp.:

•Arbitracia komisiono: R. Moerbeek (2011), K. Ruig
(2009), A. Schouten-Buys (2010)/ rezervuloj:

J.K. Hammer (2010), M. Van Oostendorp (2011).

• Kaskontrola komisiono: J.Bosse-Sibbel, B. Engel,
rezervuloj. A-S. de Vries kaj J. Tuinder.

• Faulhaber-Komisiono: Els van Dijk-Kuperus,

Ineke Emmelkamp, Els ten Hagen, Remment Balk.

• Mabesoone-fonduso: Subtenas specialajn agadojn de
la sekcioj. Sub la asocia estraro.

• J"urio Verloren Van Themaat-premio:

Wil van Ganswijk-Vlasblom, Kees Ruig, Silvia Pilger.

La ĵurio estas sendependa de la estraro.

• Sekr: Kees Ruig, Groesbeekseweg 53,

6581 BJ MALDEN. Tel. 024- 358 03 20.

• Retejo: <http://www.esperanto-info.nl> kaj
<http://www.esperanto-nederland.nl> //

J. Hoobroeckx-Dooren, B. Klijn, I. Emmelkamp,

M. van Oostendorp. Sendu viajn sciigojn al
<retejo@esperanto-nederland.nl>.

REPREZENTANTOJ:

• UEA-komitatano-A: Ans J. Bakker-ten Hagen (2010)

• UEA-ĉefdelegito: —

• Eŭropa Esperanto-Unio: —

ARKIVOJ

Arkivoj pri Esperanto estas libere konsulteblaj por ĉiu ĉe:
Intern. Instituut voor Sociale Geschiedenis, Cruquiusweg
31, 1019 AT AMSTERDAM. Tel. (020)668 58 66 / Fakso
(020)665 41 81.

Tie estas la ankoraŭ ekzistantaj arkivoj de nia propra
asocio kaj ĝiaj antaŭuloj.

Informoj pri la arkivo estas troveblaj ĉe:
<http://www.iisg.nI/archives/en/files/e/10929650full.php>

KONTAKTO KUN LAASOCIO

Ĉu vi serĉas kontakton kun la asocio? Por tio sufiĉas
kelkaj adresoj, kiujn vi facile povos memori. Jen ili estas:

• sekretario@esperanto-nederland.nl (Alfons)

Por normalaj komunikoj al la estraro kaj korespondo.

• estraro@esperanto-nederland.nl (estraro kun Ineke)

Por aferoj tiom gravaj ke la kompleta estraro tuj konu ilin.

• prezidanto@esperanto-nederland.nl

Por kontakto kun nur la prezidanto. (Nun vakas).

• kasisto@esperanto-nederland.nl (Els ten Hagen)

Por korespondo pri financoj, kotizoj, fakturoj ktp.

• membroj@esperanto-nederland.nl (Remment)

Por transdoni ŝanĝojn en adresoj, telefon-numeroj ktp,
aŭ pri mankantaj numeroj de Fen-X.

• informado@esperanto-nederland.nl (Joke)

Komunikoj pri Esperanto kiujn vi volas transdoni al
gazetoj, radio-stacioj ktp. Ankaŭ proponoj kaj ideoj pri
tio estas bonvenaj.

• retejo@esperanto-nederland.nl Komunikoj ekz. pri
kunvenoj, kiuj estu elektronike troveblaj per interreto,
invitoj al kunvenoj, adresoj de lokaj aŭ regionaj kontakt-
personoj.

• info@esperanto-info.nl kaj
info@esperanto-nederland.nl (Ineke E.)

Ĉi tie vi povas peti informojn, kaj ankaŭ mendi inform-
ilojn, broŝurojn ktp.

• studosemajnfino@esperanto-nederland.nl (Joeri Smolders)
Ĉi tie vi povas aliĝi al studo-semajnfino, aŭ peti informojn
pri ĝi.

2009/1 - 10

FEN-X

NEDERLANDAJ ASOCIOJ

NEJ - Nederlanda Esperanto-Junularo.

NEJ nuntempe uzas la adreson de UEA:

Nieuvve Binnenvveg 176, 3015 BJ ROTTERDAM,
tel. 010-436 15 39. Fakso 010 436 1751.

Ralph Schmeits, oficisto de UEAaktivas por NEJ.
<info@esperanto-jongeren.nl>

ANSE - Asocio Nederlandaj Sciencistoj Esperantistaj.

Sekr. Rob Keetlaer, Leemkuilen 273, 5683 BZ BEST.

Tel. 0499-39 37 61.

NOSOBE - Asocio por esperantistoj kun vid-handikapo.

Vi povas kontakti la societon per:

J. VVieringa, Julianalaan 8, 9801 BN Zuidhorn,
tel. 0594-50 31 16, < wiewat@hetnet.nl> aŭ:

Elise Lauwen, Salahutuplein 45, 5262 ZN Vught,
tel. 06-51855 488, <eliselauwen@hotmail.com>

Retpaĝo: <www.nosobe.nl>.

NEDERLANDA KATOLIKO

Asocio de Katolikaj esperantistoj en Nederlando.

Sekr. S.P. Smits. Lange Noordweg 3,

4453 RC ‘s-HEERENHOEK. Tel. 0113-35 14 56.
<spsmits@hotmail.com>

INTERNACIAJ ASOCIOJ

UNIVERSALA ESPERANTO-ASOCIO

Centra Oficejo: Nieuwe Binnenweg 176,

3015 BJ ROTTERDAM, tel. 010-436 15 39.

Fakso 010 436 1751. <uea@inter.nl.net>

Libroservo: <http://www.uea.org/katalogo>

SAT

67 Avenue Gambetta, FR 75020 Paris, Francio.

Repr. Por Nederlando: C. Kwantes, Marnixstraat 57,

2023 RB HAARLEM, Tel. 023-527 65 61.

IEI

Sekr. Atilio Orellana Rojas, Riouwstraat 172,

2585 HW DEN HAAG. Tel. 070-355 66 77.
<iesperanto@versatel ,nl>

INTERNACIA ESPERANTO-MUZEO EN VIENO
En nove restaŭrita palaco en la centro de Vieno.

Adreso: Kolekto por Planlingvoj kaj Esperantomuzeo,
Palais Mollard, Herrengasse 9, AT 1010 WIEN.

La deĵoraj horoj estas:

Esperantomuzeo: lunde ĝis merkrede, vendrede, sabate
lOhOO - 14h00 /ĵaŭde 15h00 - 19h00
Kolekto por Planlinavoi: lunde ĝis merkrede, vendrede
9h00 - 16h00 / ĵaŭde 12h00 - 19h00
Poŝtadreso: Sammlung fŭr Plansprachen und Esperanto-
museum der Osterreichischen Nationalbibliothek
(Kolekto por Planlingvoj kaj Esperantomuzeo),
Josefsplatz 1 / Postfach 308 /1015 Wien.

- Kathrin Delhougne, / Tel.: (+43 1) 53410-732/

<kathrin.delhougne@onb.ac.at>

<plansprachen@onb.ac.at>

<http://www.onb.ac.at/sammlungen/plansprachen/index.

htm>

Alia muzeo: Esperanto-Muzeo en San Pablo de Ordal,
Barcelono, Hispanio. Fondita dum la 10-a Barcelona
Esperantista Renkontiĝo, 1968. Vidu la Jarlibron de UEA.

UNIVERSITATA BIBLIOTEKO

La biblioteko de la Universitato de Amsterdamo posedas
kolekton de libroj kaj gazetoj en kaj pri Esperanto, kiu
nombras pli ol 3000 titolojn.

Parton de tiu stoko konsistigas la libraro de la landa aso-
cio ‘ESPERANTO NEDERLAND’, kiun la universitato
mastrumas por ĝi. La kolekto estas katalogita kaj rete
konsultebla. La adreso de la libere alirebla katalogo es-
tas: <http://opc.uva.nl>. De la bonveniga paĝo vi povas
elekti inter nederlandlingva kaj anglalingva daŭrigoj. Al-
klaku la supran ligon ‘Catalogus van de Universiteit van
Amsterdam’ aŭ ‘Catalogue of the Universiteit van Amster-
dam’ por atingi la elirpaĝon por viaj katalogaj esploroj. En
la serĉlinio ‘zoeken’ aŭ ‘search’ tajpu la du mallongigojn
‘tac esp’ (sen citiloj, sed kun unu interspaco) kaj konfirmu
(tac esp signifas ‘taalcode Esperanto’, t.e. ‘lingvokodo
Esperanto’). Responde vi ricevas komunikon pri 3104
trafoj, kiu estas la E-kolekto, ekrane trairebla en sia tuta
amplekso. Anstataŭ tajpi ‘tac esp’ vi povas uzi la indikitajn
serĉkriteriojn, kaj tuj serĉi laŭ titolo, autoro ktp.

De ĉiu trovita titolo vi trovos la aŭtoro(j)n, eldoniston,
eldonjaron, bindmanieron, eventualan serian apartenon,
referencnumeron, fizikan situon de la volumo kaj infor-
mojn pri la prunteblo kaj disponeblo.

Wim Jansen

VID-HANDIKAPITOJ

La teksto de diversaj revuoj estas havebla kiel son-
kasedo por tiuj kiuj tion bezonas.

• Revuo Fen-X - senpage.

• Revuo Esperanto de UEA - EUR 15,-

• Revuo Monato - EUR 15.-.

• Internacia Pedagogia revuo - senpage / Legas: Hein
Wernik.

• Heroldo de Esperanto - senpage

La kaseda servo de NOSOBE registras ankaŭ la 'Duan
bultenon' kaj la 'Kongreslibron' de la Universalaj kon-
gresoj.

Informoj kaj mendoj iru al: Rob Moerbeek,
Zwaansmeerstraat 48, 1946AE Beverwijk.

• Revuo Kontakto de TEJO - legas kaj administras Elise
Lauwen, Salahutupjlein 45, 5262 ZN Vught.

STUDO-SEMAJNFINOJ

Dufoje en la jaro okazas Studo-semajnfino. Okazas
kursoj en je diversaj niveloj, de absolutaj komencantoj
ĝis progresintoj, ĉiu estas bovena.

Ofte la kunvenoj okazas en Naturamika Domo.
lnf.:Marijke Lathouwers, 0223-643781 (Kruiszwin 1205,
1788 LE Den Helder).

<lj.lathouwers@quicknet.nl> aŭ: Juri Smolders,
075-6123471, <studieweekeinde@wanadoo.nl>.

INFORMILOJ

Por informaj kampanjoj la asocio povas havigi al vi afiŝojn,
glumarkojn, faldfoliojn ktp.

Petu ĉe Ineke Emmelkamp, Arubastraat 12, 9715 RW
GRONINGEN, tel. kaj fakso: 050-57 18 842. Retadreso:
<info@esperanto-info.nl>. Informoj pri Esperanto:
<www.esperanto-info.nl

FEN-X

2009/1 - 11

FEN-X

14a jarkolekto, n-ro 1
januaro - februaro 2009
Esperanto Nederland
H. Bakker
Kastelenstraat 231
1082 EGAmsterdam

V TNT Post

Port betaald
Port paye
Pays-Bas

/ -

2009/1

12

FEN-X